الخبز البيتى بالصور حياكم الله

[miro74 0]

السلام عليكم.... كيفكم يا بنات ... أتمنى إنكم تكونوا بخير

النهاردة جبت لكم طريقة عمل عيش لذيذ جدا بنحبه مع العسل الأبيض أو الإسود والجبنة البيضا زى الفطير يعنى بس لذيذ وطرى بس أنا مش بأحب أعمله كتير لأنه مغرى جدا ومش فى مصلحة الريجيم اللى أنا أصلا مش بأعمله :wub:

 

عـــلى بركة الله نبدأ

المـــقادير :

3 كوب دقيق أبيض

كوب دقيق أسمر

كوب و نص لبن دافي أو ماء

نصف كوب زيت زيت زيتون

ملعقة صغيرة خميرة

ملعقة صغيرة سكر

ملعقة صغيرة و نصف ملح

 

على فكرة العيش ده بيتعمل فى الطاسة على البوتاجاز من فوق يعنى

 

الــطـــــــريقة:

 

ندوب الخميرة فى ربع كوب ماء دافئ مذاب فيه معلقة السكر

 

ثم نخلط باقى المقادير على بعضها ونعجن كويس قوى لغاية أما تتشكل عندنا العجينة وتترك جوانب الإناء كده

 

أنا بأحب أمسح عليها من الوش بشوية زيت خفاف حبه بسيطة يعنى وتترك تتخمر نصف ساعة فقط

ثم تكور وتترك لترتاح ربع ساعة

ثم تفرد بالنشابة

وتوضع الأرغفة فوق بعضها وبينها مناديل المطبخ كالعادة علشان متلزقش فى بعضها

 

وتوضع فى الطاسة على نار متوسطة

 

 

نلاحظ الفقاقيع وتقلب على الوجة الآخر

 

وبالهنـــــــــــــا والشفـــــــــــا

 

[أمـ الســعد 4]

 

ما شاء الله .... لا قوة إلا بالله ... أكيد سهل ... ولذيذ ......

 

بنتى بتحب جدا النوع ده ... لكن بنعمله بدقيق أبيض ...

 

مافيش عندك وصفة عيش بدقيق ذرة ؟ لم أحضر دقيق أسمر حتى الآن .. ولا أعتقد قريب ... :wacko:

 

ميرو .. فاضل عندك كام وصفة خبز تانى ؟!!!... اقترح تطلبى من المشرفة دمجهن مع بعض ويبقى ملف كامل عن أنواع الخبز ..

 

[miro74 0]

عزيزتى أم الســـعد

فيه خبز أعتقد مكسيكى إسمة التورتييا أو التورتيللا ... ممكن أجيب لك الطريقة لكن أنا معملتوش قبل كده لأنى بصراحة مش بأحبه

[الأربعون النووية 0]

جميل اوى

باين عليه حلوجدا

جزاك الله خيرا

[ام هنا 2]

جزاكى الله خيرا بس للاسف مفيش دقيق اسمر فى مصر قلبت عليه الدنيا

ممكن يتعمل بدقيق ابيض بس

وبارك الله فيكى

[ام قطز 1]

جزاك الله خيرا هل ممكن ان اعمله ثم اضع فيه اللحمه يعنى عيش باللحمه واضعه فى فرن البوتجاز

[miro74 0]

جميل اوى

باين عليه حلوجدا

جزاك الله خيرا

جزانا وإياكم .. وهو فعلا طعمه حلو... تأخدى رغيف ؟ :blush:

[miro74 0]

جزاكى الله خيرا بس للاسف مفيش دقيق اسمر فى مصر قلبت عليه الدنيا

ممكن يتعمل بدقيق ابيض بس

وبارك الله فيكى

يا جماعة أنا متأكدة إنى شفته من سنه أو أكتر قبل ما أسافر كان فى سوبرماركت أولاد رجب وإسمه دقيق البر ... هتلاقيه يا إما عند الدقيق العادى يا إما جنب حاجات الريجيم... بس بقى متدلعوش إنتو بتقولوا كده علشان تلاقوا حجة ومتطبقوش :blush:

أعتقد ممكن يتعمل بالدقيق الأبيض العادى...

بارك الله فيك أخيتى

[miro74 0]

جزاك الله خيرا هل ممكن ان اعمله ثم اضع فيه اللحمه يعنى عيش باللحمه واضعه فى فرن البوتجاز

جزانا وإياكم أخيتى

العيش ده مش بينتفخ ومبينفعش ساندوتشات يعنى للغمةس لكن طعمه رائع فعلا.. وزى ما قلت لكم فى الأول إحنا هنا بناكله زى الفطير كده مع الفارق طبعا... أنا مجربتش بصراحة حاجة تانية فيه لكن ممكن تجربى وتقولى لنا ليه لأ؟!!!

:blush:

منتظرة تطبيقك الجميل إن شاء الله

[زنبقة الوادى 0]

تسلم ايدك يا اختى انا مرة جربتو و كان فعلا لذيذ و الكل تمتع بيه

 

:icon15:

[*زهرة الصبار* 3]

ما شاء الله

 

جميل جدا

 

سلمت الايادى

[هـــدى 147]

السلام عليكم ورحمة الله وبركاته،،

 

ماااااااشاء الله باين عليه انه لذيـــــــــذ ^^

بارك الله فيكِ يا غالية على وصفاتكِ الطيبة :)

 

وانت راح تضطريني اجرب كل انواع الخبز بتاعك ما شاء الله ههههههههه *-*

ان شاء الله احاول تجريبو في القريب العاجل : )

 

بس عندي سؤاال هو هاد الخبز رغيف ولا ايه ؟! وبيكون رقيق زي الرغيف ام لا ؟!

 

جزاكِ الله خيرًا ..

[miro74 0]

السلام عليكم ورحمة الله وبركاته،،

 

ماااااااشاء الله باين عليه انه لذيـــــــــذ ^^

بارك الله فيكِ يا غالية على وصفاتكِ الطيبة :)

 

وانت راح تضطريني اجرب كل انواع الخبز بتاعك ما شاء الله ههههههههه *-*

ان شاء الله احاول تجريبو في القريب العاجل : )

 

بس عندي سؤاال هو هاد الخبز رغيف ولا ايه ؟! وبيكون رقيق زي الرغيف ام لا ؟!

 

جزاكِ الله خيرًا ..

شكرا لك يا قلبى على مرورك

العيش أى نوع ترقيه زى ما إنت عايزة عايزاه تخين (سميك) أو رفيع زى ما إنت بتحبيه بس النوع ده بالذات مش لعمل الساندوتشات يعنى مش بينتفخ ويفتح عن بعضه ده للتغميس زى ما قلت لكن بناكل بيه العسل والجبن لأن طعمه لذيذ جدا..

أتمنى إنك تجربى وإدعيلى :icon15:

[هـــدى 147]

السلام عليكم ورحمة الله وبركاته،،

 

حبيبتي بس شو هو الدقيق الاسمر ل هو السميد ؟

 

ممكن تعطيني صورة له !! وكمااان ممكن تقوليلي اسمه بالانجليزي او الفرنسي ؟؟!!

 

وبارك الله فيكِ ..:)

[قلب منكسر 0]

تسلمي ماشاء الله.

 

هدهد الدقيق الاسمر هو الي بتكون فيه نخالة اوعي متعرفيش النخالة ههههههه اتمنى المعلومة تكون صحيحة لاننا نسمي الخبز الي فيه نخالة دقيق اسمر.عندنا يعني .