بطاطس محشيه لحمه مفرومه من مطبخى( ام حسين)

[سماء الفردوس 305]

بسم الله الرحمن الرحيم

السلام عليكم ورحمة الله وبركاته

انا عملت البطاطس دى وكانت تحفه وقولت لازم تجربوها

 

المقادير

كيلو بطاطس صغيره طولية الشكل

1/2 كيلو لحمه مفرومه

بصل

عصير طماطم

فلفل اخضر فلفل اسود وملح

بهاراتك المفضله

زبده او سمنه انتى وذوقك وشويه زيت نباتى

 

الطريقه

تقشر البطاطس وبعدين ننزع القلب بمؤار مثل الباذنجان

 

 

وبعدين تغسل جيدا وتغمر بالماء وتسلق لمدة عشر دقائق

تصفى من المء ونكمل الباقى

نجهز اللحمه ونعصجها

معلقة سمنه ومعلقتين زيت ونقطع البصل قطع صغيره ونسيبه لحد لما يصفر وبعدين نضع الفلفل الاخضر ونقلبه وبعدين نضيف المفروم ونقلب كويس ونضيف 4معالق صلصة طماطم وملح وفلفل اسود والبهارات ونسيبها تستوى لما تنشف من العصاره

القلب اللى طلع من البطاطس بعد غسله كويس وتصفيته ممكن تحمريه فى الزيت وممكن تعمليه كلاتى وهى صحيه اكتر

1/2 بصله مقطعه ونشوحها فى معلقتين زيت وننزل بقلب البطاطس وملح وفلفل وعشر دقايق على النار

نجيب البطاطس ونحشيها بالمفروم ونرصها على قلب البطاطس اللى احنا لسه عملينو على النار

نجيب كوباية عصير طماطم ونضع عليها ملح وفلفل ومعلقة زيت ونغليها غلوتين على النار

نجيب البطاطس بعد الحشو وبعد ما رصتيها فى الصينيه ونرش عليها الطماطم

ونضع على الوش فتافيت منتشره على الوشمن الزبده وتدخل الفرن متوسط الحراره لمدة 1/2 ساعه

وبالف الف الف هنا وشفا

[يسرا عبد الرحمن 718]

يم يم يم

شكلها جميييييل اللهم بارك

تسلم إيدك حبيبتى

وبالصحه والهنا

[سماء الفردوس 305]

تسلمى لى يسرا الغاليه يا رافعه معنوياتى

[يسرا عبد الرحمن 718]

تسلمى لى يسرا الغاليه يا رافعه معنوياتى

لا والله يا بنت شكلها جميل ويفتح النفس

أنا بعملها لكن طريقتى مختلفه عن طريقتك شوية

تسلم إيدك حبيبتى

بصي افتحى هذا الرابط لتصغير الصور بإذن الله

https://akhawat.islamway.net/forum/index.php?showtopic=275226

[سماء الفردوس 305]

جزاكى الله خيرا حبيبتى لاهتمامك لكن انا روحت للرابط ومفهمتش حاجه

لان الصور مش واضحه لو تعرفى تفيدينى اكون شاكره ليكى جدا

بس انا عايزه بالتفصيل الممل ماشى ياقمر اصلى فهمى بطىىىىىىىىىء

وها اغلبك هههههه

[هبة عبد العظيم نور 2043]

ماشاء الله

 

تسلم ايدك يا قمر

 

شكلها حلو خالص

 

ربنا يشفى اللحمة من الحمى اللى جتلها يارب عشان اجرب طريقتك الحلوة دى

 

والله الواحد بقا خايف جدا من اللحمة

 

تسلم الوصفة وصاحبة الوصفة سماء الفردوس الغالية

[سماء الفردوس 305]

يسلم لى ذوقك يا هبه حبيبتى وان شاء الله ازمه

وتعدى على خير واللحمه تبقى حلوه وتجربيها

والف صحه وهنا يا غاليه مقدما

[وفاء1 0]

مشكورة على الطريقة

[سماء الفردوس 305]

شكرا ليكى يا وفاء ويارب تجربيها وتعجبك

[راغبة بالفردوس 477]

ماشاء الله عليكِ

 

شكلك كدا طباخه ماهره اللهم بارك :))

[~ماريا~ 1340]

تسلم ايدك سماء

كتيييييييييييييييييييييييييييير حلوة

انا بعمل الطماطم بفص ثوم

وتقريبا قريبه من بتاعتك

[سماء الفردوس 305]

تسلميلى يا ماريا ياذوق انتى ياعسل

بس اختك مش بتطيق اى حاجه بتوم طبعى غريب

وتقريبا بعمل كل اكلى من غيره اللى انا باكله ولو عملت بيه مش باكل مع انه مفيد

عبيييييييطه تقولى ايه هههههههههههههههههههههه