كلمينا عن طفولتك خيارات

[Rovayda]

الله يكرمك حبيبتي
بس اقولك ابحثي الاول في عمل المرأه اصل انا لسه مكلماني واحده صاحبتي اتصالات برضو اتعينت جنبنا فى الطور باين مش فاكرة ولا في نويبع مش فاكره بس والله كان نفسي اقولها لا متشتغليش بس لمحتلها ليه انا مش رضيت اقبل شغل من اللى كان قدامي بصراحه خفت تزعل قلت تفهم هي به من بعيد لبعيد
يارب تكوني فهماني وربنا يقدملك اللي فيه الخير
اخواتي يفضلوا يحسدوني علشان مش بشتغل والحمدلله كنت عايزة ابتدي مع جوزي من الصفر يعني مكنش ليا طلبات فربنا رزقني بزوج ميسور وكويس شفتي باه
بيفضلوا يستغربوا باه والله كتير موضوع انهم طالع عينهم فى الشغل
انا المفروض اني عايزة اشتغل من النت وجوزي موافق بس مش قادره استحمل ان حد يتحكم فيا او يتكلم معايا بالاوامر او كده فا ان شاء الله عايزة اعمل مشروع فى البيت
مفيش احسن من الاستقلال والتجارة
وانا اصلا بحب الابداع والفن وكده يعني اعمل شموع اعمل مشغل
بحب الحاجات دي اوووي

[بنوته مسلمه مصريه]

ربنا يحققلك اللى بتتمنيه ياروفيده
وتعملى مشروعك
وانا والله فهماكى بس انا دايما عندى امل ان الشغل هيرفع شويه من معنويات
انا طول عمرى مشغوله فى المذاكره والدروس وبعدين الكليه
ومش عايزه اقولك طبعا انتى عارفه ان الكليات العمليه
عالطول فيه امتحانات واعمال سنه ومشاريع فديما مشغوله وعندك حاجه بعد ماتخرجت لاقتنى فاضيه وعندى ملل باستمرار من كل حاجه كان قبل النت اكتر الاوقات قاعده ساكته
ومش عايزه اتكلم
حقيقى انا متخرجه بقالى فتره بسيطه بس جالى احباط
بس والله فعلا المنتدى خرجنى كتير من الملل اللى كنت فيه
وبعدين حاسه ان الشغل هيخلينى افتكر حاجه من اللى كنت باخده
واحس انى بعمل حاجه بس لسه ربنا مقدرشى ليه انى اشتغل
ربنا يسرلى حالى وحالكم وييسر لنا الخير
شكرا بجد ياجميل على اهتمامك بيه انا والله بحبك جدا وبحب كل اخواتنا ربنا يكرمكوا ويجمعنا فى الجنه يارب

تم تحرير المشاركة بواسطة بنوته مسلمه مصريه: Nov 10 2009, 09:11 PM

[Rovayda]

الله يكرمك ويوفقك ان شاء الله
امووووووووووووا

[منتقبه وأفتخر بديني]

السلام عليكم أنا ترتيبي الثاني وكان أخويه الي أصغر مني معايا علطول كنا بنعمل عمايل نبوظ كل لعبه عندنا نفتحها علشان نشوف جواها ايه وطبعا تنتهي علي أدنا وكل يوم الساعه 7 في الاجازه ننزل الشارع نلعب أستغمايه واب وام والسمكه والصياد والكلب الحيران والسب طوبات والمنديل والله أحلى ايام يارت ترجع تاني ياريت ألعب زي زمان وما يكنش في مسؤليه

[بنوته مسلمه مصريه]

جزاكى الله خيرا أختى منتقبه
والله عندك حق كانت أحلى أيام
اجمل حاجه فيها فعلا اللعب وبالذات فى الشارع
انا كنت بلعب مع بنات وولاد طبعا كلهم قريبى
بس للأسف كان بيبقى يوم او اتنين فى الاسبوع
كل ماشوف أولاد جيرانا بيلعبوا فى الشارع بفتكر الأيام
ربنا يجعل أيامنا الجايه كلها سعاده يارب